Аввалги сайт     

“Ватанпарвар” ташкилоти ташкил топганлигининг 26 йиллиги муносабати билан авиамодель спорт тури бўйича спорт мусобақаси ўтказилди

28 November 2017

Ўзбекистон мудофаасига кўмаклашувчи “Ватанпарвар” ташкилоти ташкил топганлигининг 26 йиллиги байрами муносабати билан Тошкент шаҳар “Ватанпарвар” ташкилоти тасарруфидаги Шайхонтоҳур Ўқув спорт техника клуби ташаббуси билан “Баркамол авлод” Республика болалар техник ижодиёт марказида авиамодель спорт тури бўйича спорт мусобақаси ташкил этилди. Тадбирда туман Халқ таълими бўлими маъсул ходими, ҳудуддаги маҳаллаларнинг фаоллари, вояга етмаган болаларнинг ота-оналари, Шайхонтоҳур ЎСТК спорт секцияларида, техник ижодиёт маркази ва ҳудуддаги умумтаълим мактабининг бир гуруҳ вояга етмаган ёшлари иштирок этди.

 

Тадбир бошида “Ватанпарвар” ташкилоти Шайхонтоҳур ЎСТКнинг маъсул ходими сўзга чиқиб, ташкилотнинг асосий мақсадлари бўлган Ўзбекистон Республикаси Қуролли Кучлари мудофаа қудратини мустаҳкамлашга кўмаклашиш, ёшларни меҳнатга ва Ватанни ҳимоя қилишга тайёрлаш, ташкилот тизимида Ватанни ҳимоя қилиш ҳақидаги ғояларни тарғиб этиш ва ёшларни ҳарбий-ватанпарварлик руҳида тарбиялаш, спортнинг техник ва амалий турларини ривожлантириш ва оммалаштириш борасида ташкилот томонидан амалга оширилаётган ишлар бўйича қисқача маълумот бериш билан бир қаторда, ёшларни бўш вақтларини мазмунли ва самарали ўтказишлари учун турли спорт тўгаракларига ва спорт секцияларига қатнашишлари, ёшига ва қизиқишига қараб турли китоблар ўқиш орқали соғлом ва маънавий етукликка эришиш кераклиги, давлатимиз раҳбарияти томонидан ёшларга яратилаётган кенг шароит ва имкониятлардан оқилона фойдаланиш зарурлиги тўғрисида тўхталди. Ўз навбатида “Баркамол авлод” Республика болалар техник ижодиёт маркази маъсул ходимлари  техник ижодиёт марказида бугунги кунда техник ижодкорлик, бадиий ижодиёт ва экология йўналишида авиамодел, карвинг, бошланғич техник моделлаштириш, ёш дастурчи, дурадгорлик, кулолчилик, компьютер сабоқлари, тасвирий санъат, ёш қандолатчи, тўқиш, бичиш-тикиш, мунчоқли безак, инглиз тили, рус тили, либослар дизайни, миллий рақс, ёш доирачи, ёш қандолатчи, шахмат каби жами 25 га яқин тўгараклар фаолият кўрсатаётганлиги, ёшлар ўзи қизиққан тўгаракларга келиб бўш вақтларини мазмунли ўтказишларига барча шароитлар яратилганлиги айтиб ўтилди.

Тадбир давомида вояга етмаган ёшларда модел спорт турлари бўйича керакли тушунчалар хосил қилиш ва уларни мазкур спорт турларига жалб этиш мақсадида, улар ўртасида авиамодель спорт турининг бошланғич синфлари бўйича спорт мусобақаси ўтказилди. “Баркамол авлод” Республика болалар техник ижодиёт маркази қошидаги тўгаракларда шуғулланаётган ёшлар томонидан саҳналаштирилган қўшиқлар, рақслар ва кўргазмали чиқишлар тадбир иштирокчиларида катта таассурот қолдирди. Вояга етмаган ёшлар ўзларига маъқул бўлган тўгараклар ва спорт секциялари бўйича керакли маълумотлар олишди.

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree